İranın hərbi gəmiləri Bakıda

İran Hərbi Dəniz Qüvvələrinin “Peykan” və “Cövşən” raket katerləri Bakıda lövbər salıb.

İranın hərbi gəmiləri Azərbaycanın Xəzər dənizindəki ərazi sularında “Beynəlxalq Ordu Oyunları-2022” yarışları çərçivəsində keçiriləcək “Dəniz Kuboku” müsabiqəsində iştirak etmək üçün avqustun 7-də Bakıya gəliblər.

Bənzər yarışlar keçən il İranın Ənzəli limanında keçirilmişdi.

Müsabiqədə hərbi dənizçilər “Artilleriya atışlarının yerinə yetirilməsi”, “Gəminin dayanıqlığı uğrunda mübarizə və xilasetmə hazırlığı” və “Dəniz hazırlığı” mərhələlərində mübarizə aparıblar.